𐌲𐌿𐍄𐌹𐍃𐌺𐌹𐍃𐌼𐌿𐍃 𐌸𐌰𐌿 𐌲𐌿𐍄𐌹𐍃𐌼𐌿𐍃 (𐍃𐍅𐌴𐌾𐌹𐍃𐌺𐌰𐌹 𐍂𐌰𐌶𐌳𐌰𐌹: 𐌲𐌰𐌹𐍅𐍄𐌹𐍃𐌹𐍃𐌼𐌿𐍃; 𐍂𐌿𐌼𐍉𐌽𐌴 𐍂𐌰𐌶𐌳𐌰𐌹: Gothicismus) 𐍅𐌰𐍃 𐌺𐌿𐌽𐌾𐌰𐌷𐌰𐌹𐌳𐌰𐌿𐍃 𐍅𐌰𐌲𐌴𐌹𐌽𐍃 𐌹𐌽 𐍃𐍅𐌰𐌹𐌷𐌰𐌻𐌰𐌽𐌳𐌰, 𐌲𐌰𐍂𐌰𐌹𐌷𐍄𐌹𐌳𐌰 𐌳𐌿 𐌲𐌰𐌻𐌰𐌿𐌱𐌴𐌹𐌽𐌰𐌹 𐌹𐌽 𐍃𐍅𐌴𐌾𐌹𐍃𐌺𐌰𐌹𐌼 𐌲𐌿𐍄𐌰𐌼, 𐌸𐌰𐌹𐌴𐌹 𐍃𐌰𐌹𐍈𐌰𐌽𐌳𐌰 𐍅𐌰𐌿𐍂𐌸𐌿𐌽 𐍃𐍅𐌰𐍃𐍅𐌴 𐌲𐌿𐍄𐌰𐌽𐍃. 𐌲𐌰𐍃𐌿𐌻𐌾𐌰𐌽𐍃 𐌲𐌰𐍅𐌰𐌲𐌴𐌹𐌽𐌰𐌹𐍃 𐍅𐌴𐍃𐌿𐌽 𐌽𐌹𐌺𐍉𐌻𐌰𐍅𐍃 𐍂𐌰𐌲𐌱𐌰𐌻𐌳𐌴𐌹 𐌾𐌰𐌷 𐌸𐌰𐌹 𐌱𐍂𐍉𐌸𐍂𐌾𐌿𐍃 𐌹𐍉𐌷𐌰𐌽𐌽𐌴𐍃 𐌾𐌰𐌷 𐍉𐌻𐌰𐍅𐍃 𐌼𐌰𐌲𐌽𐌿𐍃. 𐍃𐍉 𐌲𐌰𐌻𐌰𐌿𐌱𐌴𐌹𐌽𐍃 𐌸𐌰𐌹𐍂𐌷𐍅𐌰𐍃 𐍃𐍅𐌹𐌽𐌸𐌰𐌱𐌰 𐌹𐌽 𐍃𐌹𐌱𐌿𐌽𐌳𐌰𐍄𐌰𐌹𐌷𐌿𐌽𐌳𐌹𐌽 𐌾𐌴𐍂𐌰𐌷𐌿𐌽𐌳𐌰, 𐌸𐌰𐌽 𐍃𐍅𐌴𐌾𐌰𐌻𐌰𐌽𐌳 𐍅𐌰𐍃 𐌼𐌹𐌺𐌹𐌻𐌰 𐌼𐌰𐌷𐍄𐍃 𐌻𐌰𐌹𐍃𐍄𐌾𐌰𐌽𐌳𐍉 𐌰𐍆𐌰𐍂 𐌸𐍂𐌴𐌹𐍃𐍄𐌹𐌲𐌾𐌿𐌼 𐌾𐌴𐍂𐌰𐌼 𐌱𐌰𐌳𐌰𐌿, 𐌹𐌸 𐌹𐌽 𐌰𐌷𐍄𐌿𐌳𐌰𐍄𐌰𐌹𐌷𐌿𐌽𐌳𐌹𐌽 𐌾𐌴𐍂𐌰𐌷𐌿𐌽𐌳𐌰 𐍃𐍅𐌰𐌹𐌱. 𐌲𐌰𐌵𐌹𐌿𐌾𐌰𐌳𐌰 𐍅𐌰𐍂𐌸 𐌹𐌽 𐍂𐌿𐌼𐍉𐌽𐌹𐍃𐌺𐌰𐌼𐌼𐌰 𐌽𐌰𐍄𐍃𐌾𐍉𐌽𐌰𐌻𐌹𐍃𐌼𐌰𐌿 𐌰𐌹𐍂 𐌹𐌽 𐌽𐌹𐌿𐌽𐌳𐌰𐍄𐌰𐌹𐌷𐌿𐌽𐌳𐌹𐌽 𐌾𐌴𐍂𐌰𐌷𐌿𐌽𐌳𐌰, 𐌸𐌰𐌼𐌼𐌰 𐍃𐌹𐌽𐌸𐌰 𐌾𐌰𐌷 𐍅𐌴𐌹𐌺𐌹𐌲𐌲𐍉𐍃 𐍃𐍅𐌰𐍃𐍅𐌴 𐌷𐌰𐌻𐌹𐌸𐍃 𐌱𐌻𐌰𐌽𐌳𐌰𐌽𐌳𐌰 𐍅𐌰𐌿𐍂𐌸𐌿𐌽. [1]

𐍉𐌻𐌰𐌿𐍆 𐍂𐌿𐌳𐌱𐌰𐌹𐌺, 𐍃𐌹𐌱𐌿𐌽𐌳𐌰𐍄𐌰𐌹𐌷𐌿𐌽𐌳𐌹𐌽𐍃 𐌾𐌴𐍂𐌰𐌷𐌿𐌽𐌳𐌹𐍃 𐍆𐌰𐌿𐍂𐌰𐌼𐌰𐌸𐌻𐌴𐌹𐍃 𐌲𐌿𐍄𐌹𐍃𐌺𐌹𐍃𐌼𐌰𐌿𐍃.

𐌿𐍃𐍃𐌰𐍄𐌴𐌹𐌽𐍉𐍃𐌹𐌽𐌼𐌰𐌹𐌳𐌴𐌹

𐌸𐌰𐍄𐌰 𐌽𐌰𐌼𐍉 𐌿𐍂𐍂𐌰𐌹𐍃 𐌰𐍆 𐌹𐌰𐌿𐍂𐌳𐌰𐌽𐌰𐌿𐍃 𐌹𐌽𐍃𐌰𐌷𐍄𐌰𐌹 𐌲𐌿𐍄𐌹𐍃𐌺𐌹𐍃 𐌿𐌶𐌷𐌰𐌹𐌼𐌰𐌹𐍃 𐌹𐌽 𐍃𐌺𐌰𐌽𐌳𐌹𐌽𐌰𐌱𐌾𐌰𐌹 (𐍃𐌺𐌰𐌸𐌾𐌰), 𐌾𐌰𐌷 𐌲𐌿𐍄𐌹𐍃𐌺𐌹𐍃𐍄𐌾𐌿𐍃 𐌹𐌽 𐍃𐍅𐌴𐌾𐌰𐌻𐌰𐌽𐌳𐌰 𐌲𐌰𐌻𐌰𐌿𐌱𐌹𐌳𐌴𐌳𐌿𐌽 𐌳𐌿 𐌿𐍃𐍃𐌰𐍄𐌴𐌹𐌽𐌰𐌹 𐌲𐌿𐍄𐌰𐌽𐌴 𐌹𐌽 𐍃𐍅𐌴𐌾𐌰𐌻𐌰𐌽𐌳𐌰. 𐌲𐌿𐍄𐌹𐍃𐌺𐌹𐍃𐍄𐌾𐌿𐍃 𐌰𐌹𐌶𐌰 𐌷𐌰𐌱𐌰𐌹𐌳𐌴𐌳𐌿𐌽 𐌹𐌽 𐌲𐌿𐍄𐌹𐍃𐌺𐌹𐍃 𐌱𐌹𐌿𐌷𐍄𐌾𐌹𐍃 𐌴𐌹 𐌰𐌿𐍃𐍄𐍂𐌰𐌲𐌿𐍄𐌰𐌽𐍃 𐌾𐌰𐌷 𐌹𐌶𐌴 𐌸𐌹𐌿𐌳𐌰𐌽𐍃 𐌸𐌹𐌿𐌳𐌰𐍂𐌴𐌹𐌺𐍃 𐍃𐌰 𐌼𐌹𐌺𐌹𐌻𐌰, 𐍃𐌰𐌴𐌹 𐍆𐍂𐌰𐌿𐌾𐌹𐌽𐍉𐌽𐌳𐍃 𐌹𐌽 𐍂𐌿𐌼𐍉𐌽𐌹𐍃𐌺𐌰𐌼𐌼𐌰 𐍂𐌴𐌹𐌺𐌾𐌰 𐍅𐌰𐍂𐌸, 𐌰𐌹𐍂𐌹𐌶𐌰𐌽𐍃 𐍃𐌺𐌰𐌽𐌳𐌹𐌽𐌰𐌱𐌾𐍉𐍃 𐌷𐌰𐌱𐌰𐌹𐌳𐌴𐌳𐌴𐌹𐌽𐌰. 𐍃𐍉 𐌰𐌹𐌶𐌰 𐌾𐌿 𐌹𐌽 𐌲𐌰𐌼𐌴𐌻𐌴𐌹𐌽𐌹𐌼 𐌹𐌽 𐌼𐌹𐌳𐌿𐌼𐌾𐌴𐍂𐌰𐌷𐌿𐌽𐌳𐌰𐌼 𐍅𐌰𐍃, 𐌸𐌰𐌽 𐌱𐍉𐌺𐌰𐍂𐌾𐍉𐍃 𐌱𐌹 𐌲𐌿𐍄𐌰𐌽𐍃 𐍃𐍅𐌰𐍃𐍅𐌴 𐌰𐌹𐍂𐌹𐌶𐌰𐌽𐍃 𐌲𐌰𐌿𐌾𐌰𐌽𐌴 𐍃𐌺𐌰𐌽𐌳𐌹𐌽𐌰𐌱𐌾𐍉𐍃 𐌲𐌰𐌼𐌴𐌻𐌹𐌳𐌴𐌳𐌿𐌽, 𐌾𐌰𐌷 𐍃𐍉 𐌼𐌹𐍄𐍉𐌽𐍃 𐍆𐍂𐌰𐌼 𐌽𐌹𐌺𐍉𐌻𐌰𐍅𐍃 𐍂𐌰𐌲𐌱𐌰𐌻𐌳𐌴𐌹𐌽 𐌱𐍂𐌿𐌺𐌾𐌰𐌳𐌰 𐌰𐍄 𐌲𐌰𐍆𐌰𐌿𐍂𐌳𐌰𐌹 𐌱𐌰𐍃𐌻𐍃 𐌳𐌿 𐍆𐌰𐌿𐍂𐌰𐍃𐍄𐌰𐌽𐌳𐌰𐌽 𐌸𐌰𐍄𐌴𐌹 𐍃𐍅𐌴𐌾𐌹𐍃𐌺𐌰 𐌸𐌹𐌿𐌳𐌰𐌽𐌰𐌼𐌰𐌷𐍄𐍃 𐍅𐌰𐍃 𐍃𐍉 𐌱𐌰𐍄𐌹𐍃𐍄𐍉 𐌹𐌽 𐌰𐌹𐍅𐍂𐍉𐍀𐌰𐌹. 𐌾𐌰𐌷 𐍅𐌰𐍃 𐌲𐌰𐌼𐌴𐌻𐌴𐌹𐌽𐍃 𐍃𐍅𐌴𐌾𐌹𐍃𐌺𐌹𐍃 𐌱𐍉𐌺𐌰𐍂𐌾𐌹𐍃 𐌹𐍉𐌷𐌰𐌽𐌽𐌹𐍃 𐌼𐌰𐌲𐌽𐌰𐌿𐍃 (Historia de omnibus gothorum sueonumque regibus) 𐌾𐌰𐌷 𐍃𐌴𐌹𐌽𐌹𐍃 𐌱𐍂𐍉𐌸𐍂𐍃 𐍉𐌻𐌰𐍅𐍃 𐌼𐌰𐌲𐌽𐌰𐌿𐍃 (Historia de gentibus septentrionalibus) 𐌱𐌰𐌾𐍉𐌸𐌰 𐍅𐌰𐌿𐍂𐍃𐍄𐍅𐌰 𐍆𐌹𐌻𐌿 𐍅𐌿𐌻𐌸𐍂𐌰𐌹𐍃 𐌰𐌽𐌳𐍅𐌰𐌹𐍂𐌸𐌰𐌹𐌼 𐌷𐌰𐌿𐌷𐌰𐌹𐌼 𐍃𐌺𐌰𐌿𐌻𐌰𐌼 𐌹𐌽 𐍃𐍅𐌴𐌾𐌰𐌻𐌰𐌽𐌳𐌰 𐍅𐌴𐍃𐌿𐌽.

  1. ↑ Paul Douglas Lockhart (2004): Sweden in the seventeenth century, Palgrave Macmillan, 𐌽𐌹𐌿 𐌹𐌰𐌿𐍂𐌺 ISBN 0-333-73157-3, blz 87-88