𐌰𐌻𐌰𐌹𐌺𐍃𐌰𐌽𐌳𐍂𐌿𐍃 •𐌳• 𐌼𐌰𐌺𐌰𐌹𐌳𐍉𐌽𐌾𐍉𐍃

𐌰𐌻𐌰𐌹𐌺𐍃𐌰𐌽𐌳𐍂𐌿𐍃 •𐌳• 𐌼𐌰𐌺𐌰𐌹𐌳𐍉𐌽𐌾𐍉𐍃 (𐍀𐌰𐌹𐌻𐌻𐌰 •𐌺𐌰• 𐌹𐌿𐌻𐌹𐌿𐍃 •𐍄𐌽𐌵• 𐍆𐌰𐌿𐍂𐌰 𐍇𐍂𐌹𐍃𐍄𐌿 - 𐌱𐌰𐌱𐌹𐌻𐌰𐌿𐌽 •𐌹𐌰• 𐌹𐌿𐌽𐌹𐌿𐍃 •𐍄𐌺𐌲• 𐍆𐌰𐌿𐍂𐌰 𐍇𐍂𐌹𐍃𐍄𐌿) 𐌾𐌰𐌷 𐌺𐌿𐌽𐌸𐍃 𐍃𐍅𐌰𐍃𐍅𐌴 𐌰𐌻𐌰𐌹𐌺𐍃𐌰𐌽𐌳𐍂𐌿𐍃 𐍃𐌰 𐌼𐌹𐌺𐌹𐌻𐌰 𐍅𐌰𐍃 𐌸𐌹𐌿𐌳𐌰𐌽𐍃 𐌼𐌰𐌺𐌰𐌹𐌳𐍉𐌽𐌾𐍉𐍃 𐌾𐌰𐌷 𐍃𐌺𐌰𐍀𐌾𐌰𐌽𐌳𐍃 𐍃𐌿𐌼𐌹𐍃 𐌼𐌹𐌺𐌹𐌻𐍃𐍄𐌰𐌹𐌶𐌴 𐍂𐌴𐌹𐌺𐌾𐌴 𐍆𐌰𐌹𐍂𐌽𐌾𐌹𐍃 𐌼𐌴𐌻𐌹𐍃, 𐍂𐌴𐌹𐌺𐌹 𐍆𐍂𐌰𐌼 𐌴𐌹𐍉𐌽𐌹𐍃𐌺𐌰𐌹 𐌼𐌰𐍂𐌴𐌹𐌽 𐌿𐌽𐌳 𐌷𐌹𐌼𐌰𐌻𐌰𐌾𐌰 𐍆𐌰𐌹𐍂𐌲𐌿𐌽𐌾𐌰. 𐌰𐌻𐌰𐌹𐌺𐍃𐌰𐌽𐌳𐍂𐌿𐍃 𐌿𐌽𐍄𐌴 𐍃𐌰𐌹𐌷𐍃𐍄𐌰𐌹𐌷𐌿𐌽 𐍅𐌹𐌽𐍄𐍂𐌿𐍃 𐍅𐌰𐍃 𐍄𐌰𐌻𐌶𐌾𐌰𐌳𐌰 𐍅𐌰𐍂𐌸 𐍆𐍂𐌰𐌼 𐌷𐌰𐌽𐌳𐌿𐌲𐌰 𐌰𐍂𐌹𐍃𐍄𐍉𐍄𐌴𐌻𐌰𐌹𐍃. 𐌹𐌽 •𐍄𐌻𐌵• 𐍆𐌰𐌿𐍂𐌰 𐍇𐍂𐌹𐍃𐍄𐌿 𐌹𐍃 𐌰𐌽𐌰𐍃𐍄𐍉𐌳𐌹𐌳𐌰 𐌸𐌹𐌿𐌳𐌰𐌽𐍉𐌽 𐌰𐍆𐌰𐍂 𐌸𐌰𐍄𐌴𐌹 𐌹𐍃 𐌰𐍄𐍄𐌰, 𐍆𐌹𐌻𐌹𐍀𐍀𐌿𐍃 •𐌱• 𐌼𐌰𐌺𐌰𐌹𐌳𐍉𐌽𐌾𐍉𐍃 𐌿𐍃𐌵𐌹𐌼𐌰𐌳𐌰 𐍅𐌰𐍂𐌸 𐍆𐍂𐌰𐌼 𐍀𐌰𐍅𐍃𐌰𐌽𐌹𐌹𐌽. 𐍆𐌹𐌻𐌹𐍀𐍀𐌿𐍃 𐌼𐌰𐌽𐌰𐌲𐌹𐍃𐍄𐌰 𐌱𐌰𐌿𐍂𐌲𐍃𐍂𐌴𐌹𐌺𐌾𐌰 𐌺𐍂𐌴𐌺𐌰𐌻𐌰𐌽𐌳𐌹𐍃 𐌿𐍆 𐍆𐍂𐌰𐌿𐌾𐌹𐌽𐌰𐍃𐍃𐌰𐌿 𐌼𐌰𐌺𐌰𐌹𐌳𐍉𐌽𐌾𐍉𐍃 𐌱𐍂𐌰𐌷𐍄𐌰.

𐌰𐍆𐌰𐍂 𐌳𐌰𐌿𐌸𐌰𐌿 𐍆𐌹𐌻𐌹𐍀𐍀𐌰𐌿𐍃 𐌰𐌻𐌰𐌹𐌺𐍃𐌰𐌽𐌳𐍂𐌿𐍃 𐌰𐍂𐌱𐌹𐌳𐌰 𐌼𐌹𐌺𐌹𐌻𐌰𐌽𐌰 𐌸𐌹𐌿𐌳𐌹𐌽𐌰𐍃𐍃𐌿 𐌾𐌰𐌷 𐌼𐌰𐌷𐍄𐌴𐌹𐌲𐌰𐌽𐌰 𐌷𐌰𐍂𐌹. 𐍆𐍂𐌰𐌿𐌾𐌹𐌽𐌰𐍃𐍃𐌿𐍃 𐌺𐍂𐌴𐌺𐌰𐌻𐌰𐌽𐌳𐌹𐍃 𐌲𐌰𐌽𐌰𐌼, 𐌾𐌰𐌷 𐌹𐍃 𐌸𐌰𐌹𐍂𐍈𐌰𐍃 𐌼𐌹𐌸 𐌲𐌰𐍂𐌴𐌷𐍃𐌽𐌰𐌼 𐍃𐌴𐌹𐌽𐌹𐍃 𐌰𐍄𐍄𐌹𐌽𐍃 𐍆𐌰𐌿𐍂 𐌲𐌰𐌽𐌿𐌼𐍄 𐌰𐌽𐌸𐌰𐍂𐌰𐌹𐌶𐌴 𐌲𐌰𐌿𐌾𐌴. 𐌹𐌽 •𐍄𐌻𐌳• 𐍆𐌰𐌿𐍂𐌰 𐍇𐍂𐌹𐍃𐍄𐌿 𐌹𐍃 𐌰𐍄𐌹𐌳𐌳𐌾𐌰 𐌹𐌽 𐌲𐌰𐌿𐌾𐌰 𐌰𐌽𐌰𐍄𐍉𐌻𐌾𐌰 𐍂𐌴𐌹𐌺𐌹𐌽𐍉𐌳𐌰 𐍆𐍂𐌰𐌼 𐍀𐌰𐍂𐍃𐌰𐌼. 𐌹𐍃 𐌲𐌰𐌾𐌹𐌿𐌺𐌰𐌹𐌳𐌰 𐍀𐌰𐍂𐍃𐌹𐌰 𐌹𐌽 𐍃𐌿𐌼𐌰𐌹𐌼 𐌳𐍂𐌰𐌿𐌷𐍄𐌹𐌽𐌰𐍃𐍃𐌿𐌼 𐍃𐍅𐌴 𐌹𐍃𐍃𐌰𐌿𐍃 𐌾𐌰𐌷 𐌲𐌰𐌿𐌲𐌰𐌼𐌼𐌴𐌻𐌰. 𐌰𐍆𐌰𐍂 𐌸𐌰𐍄𐌰 𐌹𐍃 𐌿𐍃𐍅𐌰𐌻𐍄𐌹𐌳𐌰 𐍃𐌰 𐍀𐌰𐍂𐍃𐌹𐍃𐌺𐌰 𐌸𐌹𐌿𐌳𐌰𐌽𐍃 𐌳𐌰𐍂𐌹𐌿𐍃 •𐌳• 𐌾𐌰𐌷 𐌽𐌰𐌼 𐌸𐌰𐍄𐌰 𐍆𐌿𐌻𐌻𐍉 𐍀𐌰𐍂𐍃𐌹𐍃𐌺𐍉 𐍂𐌴𐌹𐌺𐌹. 𐌼𐌰𐌺𐌰𐌹𐌳𐍉𐌹𐍃𐌺 𐍂𐌴𐌹𐌺𐌹 𐌽𐌿 𐍅𐌰𐍃 𐍆𐍂𐌰𐌼 𐌰𐌳𐍂𐌹𐌰𐍄𐌹𐍃𐌺𐌰𐌹 𐌼𐌰𐍂𐌴𐌹𐌽 𐌿𐌽𐌳 𐌹𐌽𐌳𐌿.