𐌰𐌿𐍃𐍄𐍂𐌰𐌲𐌿𐍄𐌰𐌽𐍃
𐌰𐌿𐍃𐍄𐍂𐌰𐌲𐌿𐍄𐌰𐌽𐍃 𐍅𐌴𐍃𐌿𐌽 𐌼𐌹𐌸 𐍅𐌹𐍃𐌹𐌲𐌿𐍄𐌰𐌼 𐍃𐌿𐌼 𐍄𐍅𐌰𐌳𐌳𐌾𐌴 𐌷𐌰𐌿𐌱𐌹𐌳𐌰𐌺𐌿𐌽𐌾𐌴, 𐌸𐍉𐌴𐌹 𐌰𐌽𐌳𐌻𐌰𐌹𐌻𐍉𐍄𐌿𐌽 𐌸𐌹𐌶𐌴 𐌲𐌿𐍄𐌰𐌽𐌴. 𐌰𐍆𐌰𐍂 𐌱𐍉𐌺𐌰𐍂𐌾𐌰𐌼 𐍆𐌰𐌹𐍂𐌽𐌾𐌰𐌹𐌼 𐍅𐌰𐍂𐌸 𐍃𐌺𐌰𐌹𐌳𐌴𐌹𐌽𐍃 𐌼𐌹𐌸 𐍅𐌹𐍃𐌿𐌲𐌿𐍄𐌰𐌼 𐌾𐌰𐌷 𐌰𐌿𐍃𐍄𐍂𐌰𐌲𐌿𐍄𐌰𐌼 𐌹𐌽 𐌾𐌴𐍂𐌰 •𐍃𐌿•. 𐌽𐌰𐌼𐌽𐌰 𐌲𐌰𐍃𐌺𐍉𐍀𐌿𐌽 𐌰𐌿𐍆𐍄𐍉 𐌲𐌰𐍃𐌿𐌻𐌹𐌳𐌰 𐌹𐌽 𐌲𐌰𐌿𐌾𐌰𐌼 𐌹𐌽 𐌸𐌰𐌹𐌼𐌴𐌹 𐌲𐌿𐍄𐌰𐌽𐍃 𐌱𐌰𐌿𐌰𐌹𐌳𐌴𐌳𐌿𐌽.
𐌱𐌰𐌿𐌰𐌹𐌳𐌴𐌳𐌿𐌽 𐌹𐌽 𐌿𐌺𐍂𐌰𐌾𐌽𐌰𐌹 𐌼𐌹𐌸 𐍆𐍂𐌰𐌿𐌾𐌹𐌽𐍉𐌽𐌳 𐌰𐌷𐌹𐌿𐌻𐍆 𐌾𐌰𐌷 𐌰𐌹𐍂𐌼𐌰𐌽𐌰𐍂𐌴𐌹𐌺, 𐌰𐌺𐌴𐌹 𐌹𐌽 𐌾𐌴𐍂𐌰 • 𐍄𐌿𐌴• 𐌿𐍃𐌳𐍂𐌹𐌱𐌽𐍉𐌳𐌴𐌳𐌿𐌽 𐍆𐍂𐌰𐌼 𐌷𐌿𐌽𐌰𐌼. 𐌳𐌰𐌹𐌻𐍃 𐌲𐌿𐍄𐌰𐌽𐌴 𐌳𐌿𐌲𐌿𐌽𐌽𐌿𐌽 𐌱𐌰𐌿𐌰𐌽 𐌼𐌹𐌸 𐌷𐌿𐌽𐌰𐌼 𐌾𐌰𐌷 𐌰𐌽𐌸𐌰𐍂𐌰 𐌳𐌰𐌹𐌻𐍃 𐌸𐌹𐌶𐌴 𐌲𐌿𐍄𐌰𐌽𐌴 𐌹𐌳𐌳𐌾𐌴𐌳𐌿𐌽 𐌹𐌽 𐌳𐌽𐌾𐌴𐍀𐍂𐌰 𐌱𐌹𐌸𐌴 𐌹𐌽 𐌳𐌰𐌿𐌽𐌰𐍅𐌹 𐌹𐌳𐌳𐌾𐌴𐌳𐌿𐌽𐌿𐌷, 𐌰𐌻𐌰𐌸𐌴𐌿𐍃 𐌾𐌰𐌷 𐍃𐌰𐍆𐍂𐌰𐌺𐍃 𐍂𐌴𐌹𐌺𐌹𐌽𐍉𐌳𐌴𐌳𐌿𐌽 𐌹𐌼.
𐌰𐌿𐍃𐍄𐍂𐌰𐌲𐌿𐍄𐌰𐌽𐌴 𐌽𐌹 𐌲𐌰𐌼𐍉𐍃𐍄𐌴𐌳𐌿𐌽 𐌱𐌰𐌿𐌰𐌽 𐌹𐌽 𐍂𐌿𐌼𐍉𐌽𐌹𐍃𐌺𐌰𐌼𐌼𐌰 𐍂𐌴𐌹𐌺𐌾𐌰. 𐌸𐌰𐌹 𐍂𐌿𐌼𐍉𐌽𐌴𐌹𐍃 𐌳𐍂𐍉𐌱𐌽𐌰 𐍅𐌹𐍃𐌿𐌲𐌿𐍄𐌰𐌽𐌴 𐌷𐌰𐌱𐌰𐌹𐌳𐌴𐌳𐌿𐌽, 𐌸𐌰𐌹𐌴𐌹 𐌲𐌰𐌼𐍉𐍃𐍄𐌴𐌳𐌿𐌽 𐌱𐌰𐌿𐌰𐌽 𐌹𐌽 𐍂𐌿𐌼𐍉𐌽𐌹𐍃𐌺𐌰𐌼𐌼𐌰 𐍂𐌴𐌹𐌺𐌾𐌰. 𐌰𐌿𐍃𐍄𐍂𐌰𐌲𐌿𐍄𐌰𐌽𐍃 𐌽𐌹 𐌷𐌰𐌿𐍃𐌹𐌳𐌴𐌳𐌿𐌽 𐌾𐌰𐌷 𐌹𐌳𐌳𐌾𐌴𐌳𐌿𐌽 𐌿𐍆𐌰𐍂 𐌼𐌰𐍂𐌺𐌰𐌹 𐌳𐌰𐌿𐌽𐌰𐍅𐌹𐍃 𐌾𐌰𐌷 𐌲𐌰𐍅𐌴𐌳𐌿𐌽 𐌼𐌹𐌸 𐍅𐌹𐍃𐌹𐌲𐌿𐍄𐌰𐌼, 𐍂𐌿𐌼𐍉𐌽𐌴𐌹𐍃 𐌽𐌹 𐍆𐌹𐌻𐌿 𐍅𐌹𐌸𐍂𐌰 𐌹𐌽𐍃 𐌲𐌰𐍄𐌰𐍅𐌹𐌳𐌴𐌳𐌿𐌽. 𐌹𐌽 𐌾𐌴𐍂𐌰 • 𐍄𐌿𐌷• 𐍅𐌹𐍃𐌹𐌲𐌿𐍄𐌰𐌽𐍃 𐌾𐌰𐌷 𐌰𐌿𐍃𐍄𐍂𐌰𐌲𐌿𐍄𐌰𐌽𐍃 𐌲𐌰𐌾𐌹𐌿𐌺𐌰𐌹𐌳𐌴𐌳𐌿𐌽 𐌷𐌰𐍂𐌹 𐍂𐌿𐌼𐍉𐌽𐌹𐍃𐌺𐌹𐍃 𐌺𐌰𐌹𐍃𐌰𐍂𐌹𐍃 𐍆𐌰𐌻𐌰𐌹𐌽𐍃𐌹𐍃 𐌱𐌹 𐌰𐌳𐍂𐌹𐌰𐌽𐌰𐌿𐍀𐌰𐌿𐌻𐌹𐍃. 𐌹𐌽 𐌲𐌰𐍅𐌰𐌿𐍂𐌳𐌾𐌰𐌼 𐍀𐌰𐌽𐌰𐌿𐌽𐌾𐌰 𐍃𐍅𐌰 𐍃𐍄𐌰𐌸 𐌳𐌿 𐌱𐌰𐌿𐌰𐌽 𐌰𐌽𐌳𐌽𐌴𐌼𐌿𐌽.