𐌰𐍂𐌺𐌰𐌽𐍃𐌰𐍅

𐌰𐍂𐌺𐌰𐌽𐍃𐌰𐍅 (Arkansas) 𐌹𐍃𐍄 𐍃𐌿𐌼 𐌲𐌰𐌿𐌾𐌴 𐌰𐌼𐌰𐌹𐍂𐌹𐌺𐍉𐍃. 𐍃𐍉 𐌼𐌰𐌿𐍂𐌲𐌴𐌹𐌽𐍃 𐍅𐌹𐍃𐍄𐌰𐌹𐍃 𐌲𐌰𐍅𐌹, 𐌸𐌰𐌿 𐌻𐌰𐌽𐌳 𐌼𐌰𐌷𐍄𐌴 𐍃𐍅𐌰𐍃𐍅𐌴 𐌾𐌰𐌷 𐌷𐌰𐌹𐍄𐌰𐌳𐌰 𐌹𐍃𐍄 𐌰𐍂. 𐌷𐌰𐌿𐌱𐌹𐌳𐌰𐌱𐌰𐌿𐍂𐌲𐍃 𐌹𐍃𐍄 𐌻𐌹𐍄𐌰𐌹𐌻 𐍂𐌰𐌿𐌺.

𐌰𐍂𐌺𐌰𐌽𐍃𐌰𐍅 𐍃𐍄𐌴𐍄 𐌺𐌰𐍀𐌹𐍄𐌰𐌿𐌻 𐌹𐌽 𐌻𐌹𐍄𐌰𐌹𐌻𐌰 𐍂𐌰𐌿𐌺𐌰.

𐍃𐍀𐌹𐌻𐌻

𐌹𐌽 𐌸𐌰𐌼𐌼𐌰 𐌲𐌰𐌿𐌾𐌰 𐌸𐌰𐍄𐌴𐌹 𐌽𐌿 𐌷𐌰𐌹𐍄𐌰𐌳𐌰 𐌰𐍂𐌺𐌰𐌽𐍃𐌰𐍅 𐌸𐌰𐍄𐌰 𐍆𐍂𐌿𐌼𐌹𐍃𐍄 𐌱𐌰𐌿𐌰𐌹𐌳𐌴𐌳𐌿𐌽 𐌹𐌽𐌳𐌹𐌰𐌽𐌰𐌺𐌿𐌽𐌾𐌰 𐍃𐍅𐌰 𐌺𐌰𐌹𐌿𐍀𐌰𐍅. 𐌽𐌰𐌼𐍉 𐌸𐌹𐍃 𐌲𐌰𐌿𐌾𐌹𐍃 𐌸𐌿𐌲𐌺𐌴𐌹𐌸 𐌵𐌹𐌼𐌰𐌽𐌳𐍉 𐍆𐍂𐌰𐌼 𐍆𐍂𐌰𐌲𐌺𐌹𐍃𐌺𐌰𐌹 𐍂𐌰𐌶𐌳𐌰𐌹 𐌾𐌰𐌷 𐍅𐌴𐍃𐌹 𐌸𐌹𐍃 𐌹𐌽𐌳𐌹𐌰𐌽𐌰𐌺𐌿𐌽𐌾𐌹𐍃 𐌺𐌰𐌹𐌿𐍀𐌰𐍅 𐌾𐌰𐌷 𐍃𐌺𐌴𐌹𐍂𐌴𐌹𐌸 "𐌳𐌰𐌻𐌰𐌸 𐌰𐍈𐌰". 𐌰𐍂𐌺𐌰𐌽𐍃𐌰𐍅 𐌹𐍃𐍄 𐌸𐌰𐍄𐌰 𐌰𐌹𐌽𐌰𐌷𐍉 𐌺𐌿𐌽𐌹 𐌸𐌰𐍂𐌴𐌹 𐍃𐍉 𐌿𐍃𐍂𐍉𐌳𐌴𐌹𐌽𐍃 𐌸𐌹𐍃 𐌽𐌰𐌼𐌹𐌽𐍃 𐌰𐍆𐌰𐍂 𐍅𐌹𐍄𐍉𐌳𐌰 𐌲𐌰𐍆𐌰𐍃𐍄𐌰𐌽 𐌹𐍃𐍄 (𐌹𐌽 •𐌰𐍉𐍀𐌰´•): "𐌰𐍂-𐌺𐌰𐌹𐌽-𐍃𐌰𐍅" 𐌹𐌽 𐌰𐌲𐌲𐌹𐌻𐌹𐍃𐌺𐌰𐌹 𐍂𐌰𐌶𐌳𐌰𐌹. 𐍃𐍉 𐌰𐍆𐍄𐌿𐌼𐌹𐍃𐍄𐍉 𐌱𐍉𐌺𐌰 "𐍃" 𐌹𐌽 𐌰𐌲𐌲𐌹𐌻𐌹𐍃𐌺𐌰𐌼𐌼𐌰 "Arkansas" 𐍃𐍅𐌰 𐌽𐌹 𐌵𐌹𐌸𐌰𐌳𐌰. 𐌹𐌽 𐌲𐌿𐍄𐌹𐍃𐌺𐌰𐌹 𐍂𐌰𐌶𐌳𐌰𐌹 𐌼𐌴𐌻𐌾𐌰𐌳𐌰 𐍃𐍅𐌰𐍃𐍅𐌴 𐌵𐌹𐌸𐌰𐌳𐌰, 𐌰𐍂𐌺𐌰𐌽𐍃𐌰𐍅. 𐍆𐌹𐌻𐌿 𐌻𐌰𐌲𐌲 𐌼𐌴𐌻 𐍆𐍂𐌰𐌲𐌺𐍉𐍃 𐌸𐌰𐌼𐌼𐌰 𐌲𐌰𐌿𐌾𐌰 𐍂𐌴𐌹𐌺𐌹𐌽𐍉𐌳𐌴𐌳𐌿𐌽. 𐍃𐌿𐌼𐌰 𐍄𐌰𐌹𐌷𐌿𐌽𐌾𐌴𐍂𐌰 𐍅𐌰𐍃 𐌰𐌹𐌷𐍄𐍃 𐌷𐌴𐌹𐍃𐍀𐌰𐌽𐌾𐌴 𐌹𐌽 𐌰𐌽𐌳𐌾𐌰 𐌰𐌷𐍄𐌿𐌳𐌰𐍄𐌰𐌹𐌷𐌿𐌽𐌳𐌹𐌽𐍃 𐌾𐌴𐍂𐌰𐌷𐌿𐌽𐌳𐌹𐍃. 𐌹𐌽 •𐌰𐍉𐌲´• 𐍆𐍂𐌰𐌲𐌺𐌰𐌻𐌰𐌽𐌳 𐍆𐍂𐌰𐌱𐌰𐌿𐌷𐍄𐌰 𐌰𐍂𐌺𐌰𐌽𐍃𐌰𐍅 𐌰𐌼𐌰𐌹𐍂𐌹𐌺𐌰𐌹 𐍃𐍅𐌰 𐌳𐌰𐌹𐌻𐍃 𐌻𐌿𐌴𐌹𐍃𐌹𐌰𐌽𐌰𐌱𐌰𐌿𐌷𐍄𐌹𐍃.

•𐌹𐌴• 𐌹𐌿𐌽𐌹𐌿𐍃 •𐌰𐍉𐌻𐌵´• 𐌰𐍂𐌺𐌰𐌽𐍃𐌰𐍅 𐍅𐌰𐍂𐌸 𐌸𐌰𐍄𐌰 𐍄𐍅𐌰𐍄𐌹𐌲𐌿𐌳𐌹𐌽 𐌾𐌰𐌷 𐍆𐌹𐌼𐍆𐍄𐌰 𐌲𐌰𐍅𐌹 𐌰𐌼𐌰𐌹𐍂𐌹𐌺𐍉𐍃. 𐌹𐌽 𐌸𐌰𐌼𐌼𐌰 𐌰𐌼𐌰𐌹𐍂𐌹𐌺𐌹𐍃𐌺𐌰𐌼𐌼𐌰 𐌸𐌹𐌿𐌳𐌰𐌱𐌰𐌳𐌰𐌿 𐌰𐍂𐌺𐌰𐌽𐍃𐌰𐍅 𐌲𐌰𐌳𐌰𐌹𐌻𐌹𐌳𐌰 𐌼𐌹𐌸 𐌺𐌰𐌿𐌽𐍆𐌰𐌹𐌳𐌰𐌹𐍂𐌰𐍄𐍃𐌾𐍉𐌽. 𐍅𐌴𐍃𐌿𐌽 𐌻𐌴𐌹𐍄𐌹𐌻𐌰𐌹 𐌳𐍂𐍉𐌱𐌽𐌰𐌽𐍃 𐌹𐌽 𐌸𐌰𐌼𐌼𐌰 𐌲𐌰𐌿𐌾𐌰.

𐌲𐌰𐌲𐌰𐌷𐌰𐍆𐍄𐌹𐌳𐌰 𐍂𐌴𐌹𐌺𐌾𐌰