𐌰𐌲𐌿𐍃𐍄𐌿𐍃 𐌺𐌰𐌹𐍃𐌰𐍂

𐌲𐌰𐌹𐌿𐍃 𐌰𐌿𐌺𐍄𐌰𐍅𐌴𐌹𐌿𐍃 (𐌻𐌰𐍄𐌴𐌹𐌽𐌹𐍃𐌺𐌰𐌹 𐍂𐌰𐌶𐌳𐌰𐌹: Gaius Octavius) 𐌱𐌹𐌸𐌴 𐌰𐌲𐌿𐍃𐍄𐌿𐍃 (𐌻𐌰𐍄𐌴𐌹𐌽𐌹𐍃𐌺𐌰𐌹 𐍂𐌰𐌶𐌳𐌰𐌹: Imperator Caesar Divi filius Augustus) (𐌰𐍂𐍂𐌰𐌽𐌼𐌴𐌽𐍉𐌸𐍃 𐌺𐌲ʹ, 𐌾𐌲ʹ 𐍆𐍇 (𐌰𐌿𐍃: •𐍇𐍁𐌰ʹ•)-𐌰𐍃𐌰𐌽𐌼𐌴𐌽𐍉𐌸𐍃 •𐌹𐌸ʹ•, 𐌹𐌳ʹ 𐌰𐍇 (𐌰𐌿𐍃: •𐍈𐌾𐌶ʹ•) 𐍅𐌰𐍃 𐍂𐌿𐌼𐍉𐍃 𐍆𐍂𐌿𐌼𐌹𐍃𐍄𐌰 𐌹𐌼𐍀𐌴𐍂𐌰𐍄𐌰𐌿𐍂 (𐌺𐌰𐌹𐍃𐌰𐍂) 𐌾𐌰𐌷 𐌲𐌰𐍃𐌿𐌻𐌾𐌰𐌽𐌳𐍃 𐍂𐌿𐌼𐍉𐌽𐌹𐍃𐌺𐌹𐍃 𐍂𐌴𐌹𐌺𐌾𐌹𐍃. 𐍂𐌴𐌹𐌺𐌹𐌽𐍉𐌳𐌰 𐍆𐍂𐌰𐌼 •𐌺𐌶ʹ 𐍆𐍇• 𐌿𐌽𐌳 𐍃𐌴𐌹𐌽𐌰𐌽𐌰 𐌳𐌰𐌿𐌸𐌿 𐌹𐌽 •𐌹𐌳ʹ 𐌰𐍇•. 𐍅𐌰𐍂𐌸 𐌲𐌰𐌹𐌿𐍃 𐌰𐌿𐌺𐍄𐌰𐍅𐌴𐌹𐌿𐍃 (𐌲𐌰𐌹𐌿𐍃 𐍉𐌺𐍄𐌰𐍅𐌹𐌿𐍃) 𐌹𐌽 𐌲𐌰𐌱𐌹𐌲𐌰𐌹 𐍂𐌿𐌼𐍉𐌽𐌹𐍃𐌺𐌰𐌹 𐍀𐌻𐌴𐌱𐌰𐌽𐌹𐍃𐌺𐌰𐌹 𐍆𐌰𐌳𐍂𐌴𐌹𐌽𐌰𐌹 𐌰𐌿𐌺𐍄𐌰𐍅𐌾𐌰 (Octavii 𐌰𐌹𐌸𐌸𐌰𐌿 Gens Octavia). 𐌰𐍆𐌰𐍂 𐌼𐌰𐌿𐍂𐌸𐍂𐌰 𐌹𐌿𐌻𐌹𐌰𐌿𐍃 𐌺𐌰𐌹𐍃𐌰𐍂𐌹𐍃 𐌹𐌽 •𐌼𐌳ʹ 𐍆𐍇•, 𐌳𐌹𐌰𐌸𐌴𐌹𐌺𐌹 𐌺𐌰𐌹𐍃𐌰𐍂𐌹𐍃 𐌷𐌰𐌹𐍄𐌰𐌳𐌰 𐌰𐌿𐌺𐍄𐌰𐍅𐌴𐌹𐌿𐍃 𐍃𐍅𐌰 𐌹𐍃 𐌲𐌰𐌳𐌴𐌳𐌰𐌽𐍃 𐍃𐌿𐌽𐌿𐍃 𐌾𐌰𐌷 𐌰𐍂𐌱𐌾𐌰. 𐌼𐌹𐌸 𐌼𐌰𐍂𐌺𐌰𐌿 𐌰𐌽𐍄𐍉𐌽𐌾𐌰 𐌾𐌰𐌷 𐌼𐌰𐍂𐌺𐌰𐌿 𐌻𐌴𐍀𐌹𐌳𐌰𐌿, 𐌹𐍃 𐌲𐌰𐍃𐌺𐍉𐍀 𐌰𐌽𐌸𐌰𐍂𐌰𐌽𐍃 𐌷𐌰𐌽𐍃𐌰𐌸𐍂𐌹𐌳𐌾𐌹𐌽𐍃 𐌱𐌻𐌰𐌿𐌸𐌾𐌰𐌽 𐌱𐌰𐌽𐌰𐌽𐍃 𐌺𐌰𐌹𐍃𐌰𐍂𐌹𐍃.

𐌰𐌲𐌿𐍃𐍄𐌿𐍃

𐌰𐍆𐌰𐍂 𐌱𐌰𐌳𐌰𐌿 𐍀𐍆𐌹𐌻𐌹𐍀𐍀𐌾𐌰𐌹, 𐌷𐌰𐌽𐍃𐌰𐌸𐍂𐌹𐌳𐌾𐌹𐌽𐍃 𐌳𐌹𐍃𐌳𐌰𐌹𐌻𐌾𐌰𐌽𐌳 𐍂𐌿𐌼𐍉𐌽𐌹𐍃𐌺𐌰𐌹 𐌸𐌹𐌿𐌳𐌰𐍅𐌰𐌹𐌷𐍄 𐌼𐌹𐌸 𐍃𐌹𐍃 𐌼𐌹𐍃𐍃𐍉 𐍃𐍅𐌰 𐌷𐌰𐍂𐌹 𐌰𐌽𐌰𐌼𐌰𐌷𐍄𐌾𐌰𐌽𐍃. 𐌳𐌿𐌸𐌸𐌴 𐌺𐌹𐌽𐌳𐌴𐌹𐌽𐍃 𐌰𐌹𐌶𐌰𐍃𐍉𐌺𐌴𐌹𐌽𐍃, 𐌻𐌴𐍀𐌹𐌳𐌿𐍃 𐍅𐌰𐍃 𐌹𐌽 𐌰𐌹𐌺𐍃𐌰𐌿𐍂𐌾𐌰𐌹 𐌾𐌰𐌷 𐌰𐌽𐍄𐍉𐌽𐌴𐌹𐍃 𐍃𐌹𐍃 𐍃𐌹𐌻𐌱𐌹𐌽 𐌿𐍃𐌵𐌰𐌼 𐌰𐍆𐌰𐍂 𐌱𐌰𐌳𐌰𐌿 𐌰𐌺𐍄𐌹𐍉𐌽𐌹𐍃 𐌹𐌽 •𐌻𐌰ʹ 𐍆𐍇•, 𐌱𐌹𐌻𐌴𐌹𐌸𐌰𐌽𐍃 𐍅𐌰𐍃 𐌰𐌿𐌺𐍄𐌰𐍅𐌴𐌹𐌿𐍃 𐍃𐍅𐌴 𐍃𐌰 𐌰𐌹𐌽𐌰𐌷𐌰 𐌺𐌹𐌽𐌳𐌹𐌽𐍃. 𐌹𐍃 𐍅𐌰𐍃 𐌲𐍉𐌸𐍃 𐌺𐌰𐌹𐍃𐌰𐍂, 𐌱𐌻𐍉𐍄𐌰𐌽𐍃 𐍃𐍅𐌴 𐌲𐌿𐌸 𐍆𐍂𐌰𐌼 𐌾𐌰𐌷 𐍆𐌰𐌹𐍂𐌽𐌰𐌹𐌼 𐌾𐌰𐌷 𐌰𐌹𐍂𐌹𐌶𐌰𐌹𐌼 𐍂𐌿𐌼𐍉𐌽𐌹𐍃𐌺𐌰𐌹𐌼 𐌷𐌰𐌹𐌸𐌽𐌰𐌹𐌼. 𐌰𐌲𐌿𐍃𐍄𐌿𐍃 𐌲𐌰𐍃𐌰𐍄𐌹𐌳𐌰 𐌷𐌹𐍅𐌹 𐍆𐍂𐌴𐌹𐌶𐍉𐍃 𐌸𐌹𐌿𐌳𐌰𐍅𐌰𐌹𐌷𐍄𐍃, 𐍂𐌰𐌲𐌹𐌽𐌴𐌹𐌽𐍃 𐌼𐌰𐌷𐍄𐍃 𐌹𐌽 𐌸𐌹𐌿𐌳𐌰𐍅𐌰𐌹𐌷𐍄𐍃𐍃𐍄𐌰𐌳𐌰, 𐍂𐌿𐌼𐍉𐌽𐌹𐍃𐌺𐌰 𐌴𐌹𐍂𐌹𐌽𐍉𐌳𐌴𐌹𐌺𐌹𐍃𐌰𐌿𐌽, 𐌾𐌰𐌷 𐌲𐌰𐌵𐌿𐌼𐌸𐌹𐌽𐍃, 𐌾𐌰𐌷 𐌽𐌰𐌿𐌷𐌸𐌰𐌽𐌿𐌸 𐌰𐌹𐌽𐌰 𐌼𐌰𐌽𐌽𐌰 𐍅𐌰𐍃 𐌺𐌹𐌽𐌳𐌹𐌽𐍃 𐌿𐍆𐌰𐍂 𐌸𐌹𐌿𐌳𐌰𐍅𐌰𐌹𐌷𐍄. 𐌹𐍃 𐍀𐍂𐌹𐌽𐍃𐌴𐍀𐍃 (𐍃𐌰 𐍆𐍂𐌿𐌼𐌹𐍃𐍄𐌰 𐌱𐌰𐌿𐍂𐌲𐌾𐌰) 𐌾𐌰𐌷 𐌰𐍆𐍄𐍂𐌰𐍃𐍄𐌹𐌿𐍂𐌹𐌳𐌰 𐌲𐍂𐌿𐌽𐌳𐌿𐍅𐌹𐍄𐍉𐌳𐌰𐌱𐍉𐌺𐌰 𐍃𐍅𐌰 𐍀𐍂𐌹𐌽𐍃𐌹𐍀𐌰𐍄𐌿𐍃 𐍂𐍉𐌼𐌰𐌽𐌿𐍃 𐌻𐌰𐌹𐍃𐍄𐌰𐍃𐍄𐌰𐌹𐌽𐍃 𐍂𐌿𐌼𐍉𐌽𐌹𐍃𐌺𐌹𐍃 𐍂𐌴𐌹𐌺𐌾𐌹𐍃.

𐌰𐌲𐌿𐍃𐍄𐌿𐍃 𐌼𐌹𐌸 𐍃𐌴𐌹𐌽𐌰𐌹 𐌵𐌹𐍃𐍃𐌰 "reddidī, cōnfēcī, aedificāvī, dedī" (𐌲𐌰𐍃𐌰𐍄𐌹𐌳𐌰, 𐌿𐍃𐍆𐌿𐌻𐌻𐌹𐌳𐌰, 𐌲𐌰𐍄𐌹𐌼𐍂𐌹𐌳𐌰, 𐌲𐌰𐍆) 𐌰𐍆𐍄𐍂𐌰𐌲𐌰𐍄𐌹𐌼𐍂𐌹𐌳𐌰 𐍂𐌿𐌼𐌰. 𐍃𐍄𐌹𐌿𐍂𐌹𐌳𐌰 𐍀𐌰𐍇 𐍂𐍉𐌼𐌰𐌽𐌰 (𐍂𐌿𐌼𐍉𐌽𐌹𐍃𐌺 𐌲𐌰𐍅𐌰𐌹𐍂𐌸𐌹), 𐌸𐌰𐍄𐌰 𐌰𐌽𐌳𐍃𐍄𐌰𐌽𐌳𐌰𐌽𐍃 𐍆𐍂𐌰𐌼 𐌾𐌴𐍂𐌰 •𐌺𐌶ʹ 𐍆𐍇• 𐌿𐌽𐌳 •𐍂𐍀ʹ 𐌰𐍇• (𐍈𐌺𐌶ʹ-𐍊𐌻𐌲ʹ 𐌰𐌿𐍃), 𐍃𐌵ʹ. 𐌰𐌲𐌿𐍃𐍄𐌿𐍃 𐍃𐍄𐌹𐌿𐍂𐌹𐌳𐌰 𐍅𐌰𐌻𐌳𐌿𐍆𐌽𐌹 𐌾𐌰𐌷 𐍆𐍉𐌽𐌷𐌰𐌹𐍆𐍃𐍄𐌾𐌰 𐌼𐌰𐌷𐍄𐌰𐌹𐍃 𐌹𐌽 𐍂𐌿𐌼𐌰𐌹. 𐍃𐍅𐌰 𐌺𐌰𐌹𐍃𐌰𐍂, 𐌹𐍃 𐌱𐌻𐍉𐌳𐌹𐌳𐌰 𐌰𐌹𐌲𐍅𐍀𐍄𐌿, 𐌳𐌰𐌻𐌼𐌰𐍄𐌾𐌰, 𐍀𐌰𐌽𐌽𐍉𐌽𐌾𐌰, 𐌽𐌰𐌿𐍂𐌹𐌺𐍉𐌽, 𐌰𐍆𐍂𐌹𐌺𐌰, 𐌸𐌹𐌿𐌳𐌹𐍃𐌺𐌰𐌻𐌰𐌽𐌳, 𐌷𐌴𐌹𐍃𐍀𐌰𐌽𐌾𐌰, 𐌾𐌰𐌷 𐍂𐌰𐌹𐍄𐌾𐌰. 𐌰𐌲𐌿𐍃𐍄𐌿𐍃 𐌲𐌰𐍃𐍅𐌰𐌻𐍄 𐌼𐌹𐌸 •𐍀𐌵ʹ• 𐍅𐌹𐌽𐍄𐍂𐌿𐌼 𐌹𐌽 𐌰𐍃𐌰𐌽𐌼𐌴𐌽𐍉𐌸 •𐌹𐌸ʹ, 𐌹𐌳ʹ 𐌰𐍇•. 𐌹𐍃 𐌲𐌰𐍆𐌹𐌻𐌷𐌰𐌳𐌰 𐍅𐌰𐍂𐌸 𐌹𐌽 𐌷𐌻𐌰𐌹𐍅𐌰𐌲𐌰𐍄𐌹𐌼𐍂𐌾𐍉𐌽 𐌰𐌿𐌲𐌿𐍃𐍄𐌰𐌿𐍃, 𐌹𐌸 𐌹𐌽 •𐍅𐌹ʹ• (͵𐌰𐍂𐌾𐌲ʹ 𐌰𐌿𐍃), 𐌲𐌿𐍄𐌰𐌽𐍃 𐌰𐌻𐌰𐍂𐌴𐌹𐌺𐌹𐍃 𐌷𐌻𐌴𐍆𐌿𐌽 𐌺𐌰𐍃𐌰 𐌾𐌰𐌷 𐍃𐍄𐍂𐌰𐌿𐌹𐌳𐌴𐌳𐌿𐌽 𐍃𐌴𐌹𐌽𐌰 𐌰𐌶𐌲𐍉𐌽, 𐌽𐌹 𐍆𐍂𐌰𐌵𐌹𐍃𐍄𐌹𐌳𐌴𐌳𐌿𐌽 𐌲𐌰𐍄𐌹𐌼𐍂𐌴𐌹𐌽.

𐌻𐌹𐌱𐌰𐌹𐌽𐍃

•63-43 𐍆𐍇• 𐍆𐌰𐌳𐍂𐌴𐌹𐌽𐍃 𐌰𐌿𐌲𐌿𐍃𐍄𐌰𐌿𐍃 𐍅𐌰𐍃 𐍆𐍂𐌰𐌼 𐍅𐌰𐌹𐌻𐌻𐌹𐍄𐍂𐌰𐌹 (Velitrae), 𐌺𐌴ʹ 𐍂𐌰𐍃𐍄𐍉𐍃 𐍆𐍂𐌰𐌼 𐍂𐌿𐌼𐌰𐌹. 𐍅𐌰𐍂𐌸 𐌹𐌽 𐍃𐍄𐌰𐌳𐌰 𐌷𐌰𐌹𐍄𐌰𐌽𐌰𐌼𐌼𐌰 𐌰𐌿𐌷𐍃𐌰 𐌷𐌰𐌿𐌱𐌹𐌸, 𐌰𐌽𐌰 𐍀𐌰𐌻𐌰𐍄𐌴𐌹𐌽𐌰 𐌷𐌻𐌰𐌹𐌽𐌹𐍃 𐌽𐌴𐍈𐌰 𐍂𐌿𐌼𐍉𐌽𐌹𐍃𐌺𐌰𐌼𐌼𐌰 𐌰𐌿𐍂𐍄𐌹𐌲𐌰𐍂𐌳𐌰. 𐌹𐍃 𐌲𐌰𐌱𐌰𐌿𐍂𐌸𐌰𐌽𐌰𐌼𐍉 𐍅𐌰𐍃 𐌲𐌰𐌹𐌿𐍃 𐌰𐌿𐌺𐍄𐌰𐍅𐌹𐌿𐍃 𐌸𐌰𐌿𐍂𐌹𐌽𐌿𐍃. 𐌸𐌰𐍄𐌿𐌷 𐍅𐌰𐍃 𐌰𐌿𐍆𐍄𐍉 𐌹𐌽 𐍃𐌴𐌹𐌽𐌹𐍃 𐍃𐌹𐌲𐌹𐍃 𐌰𐍄 𐌸𐌰𐌿𐍂𐌾𐍉𐌽 (Thurii, θούριοι, Thurium 𐌹𐌽 𐌻𐌰𐍄𐌹𐌽𐌹𐍃𐌺𐌰𐌹 𐍂𐌰𐌶𐌳𐌰𐌹 𐌾𐌰𐌷 θούριον 𐌹𐌽 𐍀𐍄𐌰𐌿𐌻𐌴𐌼𐌴𐌹𐍃, 𐌸𐌰𐍄𐌴𐌹 𐌲𐌿𐍄𐌹𐍃𐌺𐌰𐌹 𐍂𐌰𐌶𐌳𐌰𐌹 𐍅𐌴𐍃𐌹 "𐌸𐌰𐌿𐍂𐌹𐍉𐌽") 𐌸𐌰𐌽 𐌱𐌻𐌰𐌿𐌸𐌹𐌳𐌰 𐌱𐌰𐌽𐌳𐌹 𐍃𐌺𐌰𐌻𐌺𐌴. 𐌰𐌲𐌿𐍃𐍄𐌿𐍃 𐌷𐌰𐍆𐌾𐌰𐌽𐌳𐍃 𐍅𐌰𐌹𐌻𐌻𐌹𐍄𐍂𐌰𐌹 𐍅𐌰𐍃.

𐌲𐌰𐌱𐌰𐌿𐍂𐌰𐌽𐍃	𐌰𐍂𐍂𐌰𐌽𐌼𐌴𐌽𐍉𐌸𐍃 𐌺𐌲ʹ, 𐌾𐌲ʹ 𐍆.𐍇. (AUC: 𐍇𐍁𐌰ʹ) 𐍂𐌿𐌼𐌰, 𐍂𐌿𐌼𐍉𐌽𐌹𐍃𐌺𐌰 𐍂𐌴𐍀𐌿𐌱𐌻𐌹𐌺𐌰
𐌲𐌰𐍃𐍅𐌿𐌻𐍄𐌰𐌽𐍃	𐌰𐍃𐌰𐌽𐌼𐌴𐌽𐍉𐌸𐍃 𐌹𐌸ʹ, 𐌹𐌳ʹ 𐌰.𐍇. (AUC: 𐍈𐌾𐌶ʹ) 𐌽𐌿𐌻𐌰, 𐌹𐍄𐌰𐌻𐌾𐌰, 𐍂𐌿𐌼𐍉𐌽 𐍂𐌴𐌹𐌺𐌹 (𐍀𐌵ʹ 𐌾𐌴𐍂𐌰 𐌰𐌻𐌳𐍃)
𐌺𐌹𐌽𐌳𐌹𐌽𐍃	𐌰𐍆𐍄𐌿𐌼𐌰 𐌾𐌹𐌿𐌻𐌴𐌹𐍃 𐌹𐌵ʹ, 𐌺𐌶ʹ 𐍆.𐍇. (AUC: 𐍈𐌺𐌶ʹ)-𐌰𐍃𐌰𐌽𐌼𐌴𐌽𐍉𐌸𐍃 𐌹𐌸ʹ, 𐌹𐌳ʹ 𐌰𐍇 (AUC: 𐍈𐌾𐌶ʹ) (𐌼𐌰ʹ jera)
𐌵𐌴𐌽𐌴𐌹𐍃	𐌺𐌻𐍉𐌳𐌾𐌰 𐍀𐌿𐌻𐌺𐍂𐌰 (Clodia Pulchra) (𐌽𐌱ʹ–𐌽ʹ 𐍆.𐍇.) (𐍈𐌹𐌱ʹ-𐍈𐌹𐌳ʹ AUC), 𐍃𐌺𐍂𐌹𐌱𐍉𐌽𐌹𐌰 (Scribonia) (𐌽ʹ–𐌻𐌷ʹ 𐍆.𐍇.) (𐍈𐌹𐌳ʹ-𐍈𐌹𐌵ʹ AUC) 𐌻𐌹𐌱𐌾𐌰 𐌳𐍂𐌿𐍃𐌹𐌻𐌻𐌰 (Livia Drusilla) (𐌻𐌶ʹ 𐍆.𐍇.–𐌹𐌳ʹ 𐌰.𐍇.) (𐍈𐌹𐌶ʹ-𐍈𐌹𐌾𐌶ʹ AUC)
𐌱𐌰𐍂𐌽𐌰	𐌾𐌿𐌻𐌾𐌰 𐌰𐌻𐌸𐌹𐌶𐌰 (Iulia Augusti Filia) (𐌰𐌹𐌽𐌰𐌱𐌰𐌿𐍂 𐌱𐌰𐍂𐌽 𐌰𐌿𐌲𐌿𐍃𐍄𐌰𐌿𐍃) (𐌻ʹ 𐍅𐌹𐌽𐌼𐌴𐌽𐍀𐌸𐍃 𐌻𐌸ʹ 𐍆𐍇 – 𐍃𐍀𐌴𐌸𐍃 𐌰𐍇 𐌹𐌳ʹ) (𐍈𐌹𐌲ʹ-𐍃𐍀𐌴𐌸𐍃 𐍈𐌹𐌾𐌶ʹ AUC), (𐌰𐌻𐌻 𐌰𐌻𐌾𐌹𐍃 𐍆𐍂𐌰𐍃𐍄𐌹-𐍃𐌹𐌱𐌹𐌸𐍃) 𐌲𐌰𐌹𐌿𐍃 𐌺𐌰𐌹𐍃𐌰𐍂 (Gaius Caesar) (𐌺ʹ 𐍆𐍇 – 𐌺𐌰ʹ 𐍆𐌰𐌽𐌹𐌼𐌴𐌽𐍉𐌸𐍃 𐌰𐍇 𐌳ʹ) (𐍈𐌻𐌳ʹ-𐍈𐌽𐌶ʹ AUC), 𐌻𐌿𐌺𐌹𐌿𐍃 𐌺𐌰𐌹𐍃𐌰𐍂 (LVCIVS•CAESAR) (𐌹𐌶ʹ 𐍆𐍇-𐌺ʹ 𐌰𐍃𐌰𐌽𐌼𐌴𐌽𐍉𐌸𐍃 𐌰𐍇 𐌱ʹ) (𐍈𐌻𐌶ʹ-𐍈𐌽𐌴ʹ AUC), 𐌰𐌲𐍂𐌹𐍀𐍀𐌰 𐍀𐍉𐍃𐍄𐌿𐌼𐌿𐍃 (Agrippa Postumus) (𐌾𐌰𐍂𐌼𐌼𐌴𐌽𐍉𐌸𐍃 𐌺𐌵ʹ, 𐌹𐌱ʹ 𐍆𐍇-𐌰𐍃𐌰𐌽𐌼𐌴𐌽𐍉𐌸𐍃 𐌺ʹ, 𐌹𐌳ʹ 𐌰𐍇) (𐍈𐌼𐌱ʹ-𐍈𐌹𐌾𐌶ʹ AUC) 𐌾𐌰𐌷 𐍄𐌹𐌱𐌴𐍂𐌹𐌿𐍃 (Tiberius Caesar Divi Augusti filius Augustus) (𐌹𐌵ʹ 𐍆𐍂𐌿𐌼𐌰-𐌾𐌹𐌿𐌻𐌴𐌹𐍃 𐌼𐌱ʹ 𐍆𐍇-𐌹𐌵ʹ 𐌰𐌿𐍃𐍄𐍂𐌰𐌼𐌴𐌽𐍉𐌸𐍃 𐌻𐌶ʹ 𐌰𐍇) (𐍈𐌹𐌱ʹ-𐍈𐍁ʹ AUC)
𐍆𐌿𐌻𐌻 𐌽𐌰𐌼𐍉	𐌺𐌰𐌹𐍃𐌰𐍂 𐌲𐌿𐌳𐌰 𐍃. 𐌲𐌰𐌹𐌿𐍃 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 𐌰𐌲𐌿𐍃𐍄𐌿𐍃 (Imperator Caesar Divi filius Gaius Iulius Caesar Augustus)
𐍀𐍂𐍉𐌺𐌰𐍄𐍉𐌺𐌿𐍃	𐌲𐌰𐌹𐌿𐍃 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 (Gaius Iulius Caesar 𐌰𐌹𐌸𐌸𐌰𐌿 Divus Iulius)
𐌳𐌹𐌰𐌳𐍉𐌺𐌿𐍃	𐍄𐌹𐌱𐌴𐍂𐌹𐌿𐍃 𐌺𐌰𐌹𐍃𐌰𐍂 𐌲𐌿𐌳𐌰 𐍃𐌿𐌽𐌿𐍃 𐌰𐌲𐌿𐍃𐍄𐌿𐍃 (Tiberius Caesar Divi Filius Augustus)
𐌲𐌰𐍆𐌹𐌻𐌷	𐌷𐌻𐌰𐌹𐍅𐌰𐌲𐌰𐍄𐌹𐌼𐍂𐌾𐍉 𐌰𐌿𐌲𐌿𐍃𐍄𐌰𐌿𐍃 (Augusti Mausoleum)
𐌲𐌰𐌻𐌰𐌿𐌱𐌴𐌹𐌽𐍃	𐍂𐌿𐌼𐍉𐌽𐌹𐍃𐌺𐌰 𐌷𐌰𐌹𐌸𐌽𐌹𐍃𐌺𐌰 𐌲𐌰𐌻𐌰𐌿𐌱𐌴𐌹𐌽𐍃